ابنات النهردة جيبتلكم الوصفة الرووووعة شعرك هيوصل لركبك وهيبقى نااااااعم وكمان مش هتلاقى شعرك بيقع وكلها مكونات سهلة ومعروفة وكمان نتيجتها مضمونةانا كتبتها قبل كدا ومحدش جربها فاانا جربتهالكم وشوفت النتيجة من اول مرة

 

اول حاجة هتجيبى كوب صغير سمن روابى وكوب صغير زيت عافيه بس لازم كوب السمن يبقى نفس كوب الزيت فى الحجموتجيبى فنجانين قهوة فاضيين اد بعض تملى واحد محلب مطحون وتملى الفنجان التانى محموس نوى التمر

[انا جيبت بلح ونزعت منه النوى بتاعه وسيبته يومين ينشف وبعدكدا حطيته فى الفرن لغاية مااتحمس وطحنته لغاية مابقى زى التراب ناعم خالص]

 

المهم تجيبى طاسة وتحطى فيها السمن والزيت واول مايسخنوا ضيفى عليهم المحلب المطحون والنوى التمر المطحون وسخنيهم على النا لغاية مايغلى 

وسبيهم يبردوا وبعدكدا حطيهم فى برطمان ازاز فاضى ونضيف وسبيهم منقوعين شهر كامل

طب طريقة استعماله ازاى؟

 

 

تخصصى يوم للوصفة دى يعنى لوخصصتى التلات من كل اسبوع يبقى تيجى يوم الاتنين بالليل قبل ماتنامى وتدهنى فروة راسك وتدلكيها بالراحه ربع ساعة وبعدكدا تقسمى شعرك الى اربع اتجاهات وتدهنى كل اتجاه لوحده وبعدكدا تلميهم ببنس شعر وتلبسى كيس نايلون وتجيبى شال كبير او طرحه كبيرة بس تكون قطن عشان فروة راسك تسخن واول ماتصحى تانى يوم تغسلى شعرك 

تجيبى مثلا صابونة نابلسى من عند العطار ومتحطيهاش على شعرك لما تغسلى بيها لا لفيها فى ايدك وكل ماتطلع رغوة حطيها على شعرك لغاية مايبقى شعرك فى رغوة كتيرة وبعد كدا اشطفى شعرك وبعدكدا هاتى شامبو للشعر الجاف او حسب نوع شعرك وحطى شوية صغيرين فى ازازة مثلا وحطى عليها ميه دافيه ورجيها كويس وحطيها على شعرك واشطفى شعرك واعملى حمام كريم واشطفى شعرك كويس ونشفيه 

واتمتعى بقى بشعر ناعم حرير مبيقعش وكمان شعرك هيطول بسرررررعه ويبقى لغاية ركبك

نسيت اقولكم انتوا ممكن تستعملوا الوصفة مرتين فى الاسبوع لكن انا مخصصة يوم السبت لزيت التوم ويوم التلات للخلطة دى وبصراحه شعرى بقى فعلا رووووووووعة



 
Top